Plantun de Prouvènço

Pèr coumpara dos planto d'encò nostre

Broussonetia papyrifera & Leontodon hispidus subsp. hyoseroides

Amourié-à-papié

Broussonetia papyrifera

Moraceae

Autre noum : Amourié-de-la-Chino.

Nom en français : Mûrier à papier.

Descripcioun :
L'amourié-à-papié es un pichot aubre que nous vèn d'Asìo (1750). I'a dos meno de pèd, li mascle, bèn mai noumbrous, e li femello que fan de flour en boulo roso. Se pòu n'en trouba, naturalisa, en ribo de ribiero dins li relarg ounte l'ivèr èi pas trop fre. Se recounèis peréu à si fueio pelouso qu'an de formo proun chanjadisso.

Usanço :
Ei subretout couneigu pèr douna de papié de qualita. Li fru soun manjadis (lachatiéu) e lis asiatico se servien de la rusclo e di fueio coume remèdi. La rusclo ajudo à sougna li plago e ajudo au caiamen dóu sang. Se fai de jus emé li fueio, ajudo à susa e caga. Touto la planto èi diuretico.

Port : Aubre
Taio : 1 à 5 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Broussonetia
Famiho : Moraceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Pargue
Estànci : Termoumediterran à Mesoumediterran
Couroulougi : Pancaro entresigna
Ref. sc. : Broussonetia papyrifera (L.) Vent., 1799

Moulin-de-prat

Leontodon hispidus subsp. hyoseroides

Asteraceae Compositae

Àutri noum : Moulin-de-prat(-d'esboudèu), Mounge.

Noms en français : Liondent des éboulis, Liondent hispide.

Descripcioun :
Aquéu moulin-de-prat trachis en mato dins lis esboudèu de mountagno. Aquesto subsp. hyoseroides a de fueio pu prefoudamen descoupado que la subsp. hispidus que resto en plano, dins li champ. Coumpara emé la subsp. hispidus. Lou papus (paro-toumbant) èi d'un blanc brun au contro de lou de Scorzoneroides montana, blanc pur.

Usanço :
Li fueio, emai siegon pas di mai goustouso, soun manjadisso crudo o cuecho. Li racino podon servi en plaço dóu cafè .

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 2200 m
Aparado : Noun

Liò : Esboudèu - Roubino de mountagno
Estànci : Subaupen à Aupen
Couroulougi : Pancaro entresigna
Ref. sc. : Leontodon hispidus subsp. hyoseroides (Welw. ex Rchb.) Gremli, 1885

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Broussonetia papyrifera & Leontodon hispidus subsp. hyoseroides

ges

Coumpara Amourié-à-papié emé uno autro planto

Coumpara Moulin-de-prat emé uno autro planto